Dilli ka Anubhav ek Kavi ki jubani [hindi PJ]

["Nelson Fernandes" <>]

----------------------------------------------------------------------------
Tip of the day:  Do not include the entire message in your reply. Include 
                 only the relevant parts.  
----------------------------------------------------------------------------

Ek din, mein dilli pahuncha, Station pe ek coolie se bahar jane ka rasta
pooncha, Coolie ne kaha bahar jaake poocho.

Maine khud hi rasta doondh liya, Bahar jaake taxiwale se pooncha, "bhai saab
Aagre ka kitna loge?" jawab mila, "bechna nahi hai.."

taxi chod, maine bus pakad li, conductor se  pooncha, "ji.. kya mein
cigarette pi sakta hoon?"
wo gurrra kar bola, "hargiz nahi, yaha cigarette pina mana hai." Maine kaha,
"par wo janab to pi rahe hai!" Phir se gurrrraya, " usne mujhse pooncha nahi
hai."

Aagre pahucha, hotel gaya. Manager se kaha, " mujhe room chahiye, satve
manzil pe."
Manager ne kaha, "rahane ke liye ya koodne ke liye?"
Room pahucha, waiter se kaha, "ek paani ka gilas milega."
Usne jawab diya, "nahi sahab, yaha to saare kanch ke milte hai."


Hotel se nikla dost ke ghar jaane ke liye, Raste me ek sahab se pooncha,
"janab, ye sadak kaha ko jaati hai?"
Janab hans kar bole, " peechle bis saal se dekh rahan hoon, yahi padi
hai...."

Dost ke ghar pahucha, to mujhe dekhte hi chownk pada Usne poocha, "dilli
kaise aana hua?" Ab tak to mujhe bhi aadat pad gayi thi, Maine bhi jawab
diya, "Train se.."

Meri aaobhagat karne ke liye dost ne apni biwi se kaha,
"areeee sunti ho... mera dost pehli baar ghar aaya hai, uuse kuch taja taja
khilao.." sunte hi bhabhiji ne ghar ki sari khidkiya aur darwaje khol diye.
Kaha, "taji hawa kha lijiye."

Dost ne phir se badi pyar se biwi se kaha, "areeee sunti ho...inhe jara apna
chalis saal purana aachar to dikhana."  Bhabiji ek batli me rakha aachar le
aayi, Maine bhi apnapan dikhate hue bhabiji se kaha, "bhabhiji, aachar sirf
dikhayengi, chakhayengi nahi....?" Bhabiji ne taak jawab diya, "yuhi agar
sab ko chakhati to aachar chalis saal purana kaise hota..?"

Thodi der baad dekha, bhabiji apne pote ko soola rahi thi, Saath me lori bhi
ga rahi thi, "diploma so ja, diploma so ja." Lori soon mein hairan hua aur
dost se poocha, "yaar ye diploma kya hai?" Dost ne jawab diya, "mere pote ka
naam, Beti bambai gayi thi, diploma
lene ke liye aur saath mein ise le aayi, isiliye hamne iska naam diploma
rakh diya." Phir maine pooncha, "aajkal tumhari beti kya kar rahi hai?" Dost
ne jawab diya, "bambai gayi hai, degree lene ke liye...."





------------------------------------------------------------------------------
To Subscribe [Unsubscribe] send a blank message to 
        nukkad-list-request@mumbai-central.com 
with the word 'subscribe' ['unsubscribe'] (without quotes) in the Subject 
of your message.
The list is archived at  http://www.mumbai-central.com/nukkad/archive.html