RE: [nukkad] Where are you [Tu chhupi hai kahan?]

["Mahesh chandra gupta" <>]

----------------------------------------------------------------------------
Ambition is pitiless. Any merit that it cannot use it finds despicable.
- Joseph Joubert 
----------------------------------------------------------------------------


Siddiqui saheb wrote:

------------------
In Honor of: Insan Bano n Mahek Chand Gul(MCG)

here's a twister[not 4rm McD}from me:  jagjitji gustakhi mauf:

Tere(I.Bano)nukkad per anay ki jab khabar mahekay
teri khusboo sey Mahesh chandra ka tan man mahekay.

===============================================================
AND, HERE IS A SIXER:)


UMMEED-E-DIL

Khilne se pahale phoolon ke,
gulshan mein bahar aa jaati hai;
  un ke aane se pahale hi,
khushboo un ki aa jaati hai.

jab naam kabhi bhoole se bhi,
Gar un ka sunaai padta  hai;
Ek hook si dil mein uthati hai
Chehre pe hansi aa jaati hai

Duniya ka karam, ham donon mein
Doori chahe kitani bhi badhe;
Wo bholi si surat un ki,
Nazaron mein dikhaai  rahati hai.

Ho pak mohabbat jis dil mein,
Namaabar ka mohtaz nahin;
Mere dil ki har ek dhadkan,
Us dil mein samaai rahati hai.

Ek tees idhar, ek tees udhar,
Do dil uljhan mein doobe hain;
Logon ko gam ke maaron se,
Kyon bad-parwaahi rahati hai.

Ham bhi chup hain, wo bhi chup hain,
Aur chup hai raaz mohabbat ka;
Hai kaun wajah jo sab jag ko,
Ham se ruswai rahati hai.

Ek din to milan un se hoga,
Ye dukh ki ghadiyan beeteingi;
Armaan bhare dil mein phir bhi,
Ummeed jagaai rahati hai.

MC Gupta



------------------------------------------------------------------------------
To join/leave, use the form at: http://www.mumbai-central.com/nukkad/#options
This list is archived at: http://www.mumbai-central.com/nukkad/archive.html